Tiuh sai hampeghr tilupa ko

induh api sai ngeguwai utok sikam mikekh ko tiuh ku. tiuh gedung menong gekhalna sai wat di kecamatan Negeri agung Kab. Way Kanan. jak tiuh sina sikam ja wat sampai ganta kak tigoh di jakarta, tiuhna jelma jawa. sikam ja di lakhekh ko di tiuh sai nayah iwa na amun kak tigoh musim kemudik. anggal tahun khawang pasti tigoh di ijan nuwa tuha lagi peninggalan alm ayik sikam. kak ngasi kudo sikam ja jama hukhek mula tiuh sina kak timbai mak sikam liuhi lagi. api kah sa bentuk ngikham sikam jama tiuh sina sai sampai ganta makkung ngedok listrik. ganta sa nayah sekelik sikam sai cawa, tiuh sina kak goh tiuh mati. sai tinggal di tiuh sina kenayahan jelma tuha. ulah sanak-sanak tiyan bela sekula/ngunut duit/kahwin di perantauan. paling sanak-sanak tiyan mulang aguk tiuh pas lebaran gawoh. kadang sikam sengaja jama tawok-tawok ngulih ulah api tiyan khadu sekula mak mulang aguk tiyuh lagi? tiyan cawa, amun mulang tiyuh makdok sai dacok tekanik. tapi lom ingokan sikam nayah temon sai dacok tekanik di tiuh sina contoh na gawoh: remes humbuk, iwa kemudik, tiung balak-balak, lepang sampai kuning-kuning sangking nayah na. justru pas sikam nuntut ilmu di jakarta sa, mak tehalu kani'an sina. amun ingok cekhita emak jama ayah sikam, di jaman tiyan menaho mati galakna wat kegiatan muli mekhanai (lomba antar tiuh). wat muneh sai kak lebon ganta sa, waktu sikam ampai tamat SD menaho mulang aguk tiuh. jama mekhanai tiuh sikam ja muli temui. ulah kak timbai mak mulang-mulang. khadu sina sikam ja di anjaui (nyubuk) jak bah nuwa jama mekhanai-mekhani lunik sina. yu mak kenahan sapa gawoh mekhanai-mekhanai na ulah manum mak kenahan . ulah sikam tabu gohsina, jadi sekhebok gawoh tiyan manjau khadu sina mulang. yu menurut sikam cara sina aneh ulah mak kot sikam tehalu cara sina di kota bumi pok ulun tuha sikam merantau sejak sikam umur 1 tahun menaho. menurut sikam "nilai lokal" jak semanjauan cara sina lebih positif dibanding ko "tenadaian" jaman ganta. amun ganta kan kak makai "sms" amun haga sehaluan jama tenadai.........to be continue  sikam haga mulang tiuh.